კონფიდენციალურობა

მოკლედ

აპლიკაცია Tamada არ ითხოვს რეგისტრაციას, არ აგროვებს პერსონალურ მონაცემებს და საერთოდ არ უკავშირდება ინტერნეტს. სახელები, რომლებსაც სუფრის შესადგენად შეიყვან, რჩება მხოლოდ შენს ტელეფონში.

საიტი MyTamada.ge ითვლის ვიზიტებს, მაგრამ ისე, რომ ვერავის ამოვიცნობთ.

აპლიკაცია

სადღეგრძელოების მთელი ბიბლიოთეკა აპშივეა ჩაშენებული, ამიტომ სუფრა ინტერნეტის გარეშეც იშლება. აპი არავითარ სერვერს არ მიმართავს.

შეყვანილი სახელები და გაშლილი სუფრა ინახება მხოლოდ მოწყობილობის მეხსიერებაში, რომ აპის ხელახლა გახსნისას იქიდან განაგრძო. აპის წაშლა ამ მონაცემებსაც შლის.

„გაზიარების“ ღილაკზე დაჭერისას შენ თვითონ ირჩევ, ვის გაუგზავნი ტექსტს — ამას შენი ტელეფონის სტანდარტული ფანჯარა აკეთებს და ჩვენთან არაფერი მოდის.

საიტი

საიტი ინახავს გვერდის მისამართს, მოწყობილობის ტიპს (ტელეფონი / ტაბლეტი / კომპიუტერი), ბრაუზერის სახელს, გადმომისამართების დომენს და ინტერფეისის ენას. IP-მისამართს, სრულ user-agent-ს, სესიის იდენტიფიკატორს და cookie-ს თვალთვალისთვის არ ვინახავთ.

მესამე მხარის ანალიტიკა, სარეკლამო ქსელები და სოციალური ქსელების ღილაკები საიტზე არ არის.

სუფრის შედგენისას შეყვანილი სახელები სერვერზე არ ინახება — ისინი მხოლოდ ტექსტის შესადგენად გამოიყენება და დაბრუნებულ პასუხთან ერთად შენს ბრაუზერში რჩება.

ბავშვები

აპი ქართული სუფრის ტრადიციას ეხება და ღვინის ხსენებას შეიცავს, ამიტომ ის მოზრდილებისთვისაა განკუთვნილი. ბავშვებისგან მონაცემებს განზრახ არ ვაგროვებთ — ისევე, როგორც არავისგან.

კონტაქტი

თუ კითხვა გაქვს, მოგვწერე: [email protected]